An thu ngaihtuahte- Sawrkar Hnathawk health facility - CS(MA) Rules 1944 anga kalpui țhin hi, Sawrkarin Revised Health Care Scheme hmanga kalpui a tum chungchang ngaihtuah a ni a. Revised Health Care Scheme ah hian thil chiang lo tam tak a la awm a. Hengte chinfel a nih hma chuan Sawrkar hnathawkte min telh ve rih lo turin Sawrkar hnenah thlen ni se an ti.

Mizoram Sawrkarin Pay Commission din thar tura thutlukna a siam hi kan ram tan thil tha ber niin a lang lo va. New recruits tan chauhva siam pawh ni se technically in thil remchang lo a awm bakah dan mit atang pawhin him lo a awm thei nia hriat anih avangin State Pay hran siam lo va tuna kan kaldan ang zela kal kan duh thu Sawrkarah thlen ni se, an ti.

Sawrkar hnathawkte Dearness Allowance chungchang Council of Ministers ngaihtuah zel tura tih hi ennawn a, tunhmaa kaldan pangngaia kal turin Sawrkar kan lo ngen tawh a, ngen leh ni se, an ti.

Dearness Allowance hi kan pay rules ang chuan Central govt rate ang zela kal tur kan nih laia Council of Ministers Meeting in ni 1.4.2025 atanga 2% chauhva tihpun tura a rel hi a lungawithlak loh kan ti a, Sawrkarin year of Consolidation a hman hre chungin, pay rules anga central govt rate pawh phut ngam lovin,  ni 1.7.2024 atangin 4% tal-a min tihsan turin Sawrkarah ngen ni se. A nawr zui zel dan tur chu Special Conference hian Executive Committee kutah a dah nghal a ni, tiin FMGE&W General Secretary chuan a tarlang.